Mga Pinoy sa ibang bansa na nagpositibo sa COVID-19 umabot na sa 2,000

Sumampa na sa higit 2,000 ang bilang ng mga Filipino sa labas ng bansa na nagpositibo sa coronavirus disease 2019 (COVID-19).

Batay sa pinakahuling tala ng Department of Foreign Affairs (DFA), nasa kabuuang 2,360 na ang bilang ng mga OFW na nagpositibo sa virus.

Sa naturang bilang, 824 na ang mga nakarekober at nasa 274 na ang bilang ng mga nasawi.

Sa Pilipinas naman, nasa kabuuang 12,300 na ang bilang ng kaso ng COVID-19.