Iriga City – Nagluwas kan saindang inagrangay an mga para-oma sa banwaan kan Pili na apektado kan ipapatindog na Iconic Capitol kan Camarines Sur.
Ini matapos na ibahan ni dating Kongresista Rolando Andaya Jr. asin mag-atubang sa sarong press conference.
Sigun sa mga para-oma nakamati sinda nin harassment mientras na pinaglalaban an saindang diretso sa dagang pinag-ooma.
Si Andaya na iyo ngunian an nagtitindog na abogado kan mga para-oma, nagsabi na sapiritan na pinapirma an mga para-oma sa sarong waiver tanganing i-surrender an saindang oma a-favor sa papatindugon na iconic capitol.
An kaomahan na parte kan CWC, ini soboot may plano na patindugan nin housing project bako na pan-turismo, susog sa land use plan.
Sa balyong lado, sinabi man kan Department of Agrarian Reform na an mga daga na nagin parte kan expropriation proceedings, kaipuhan na i-develop susog sa orihinal na plano, alagad kun dai masunod, ini makakabalik sa orihinal na maysadiri. (Melvin F. Barayoga, RPN DZKI Iriga OIC, photo courtesy of CAZA)