Cebu City – Gihangyo ni Cebu City Councilor David Tumulak ang mga residente sa lalawigan sa Sugbo nga dili dad-on sa syudad ang patayng lawas sa ilang mahal sa kinabuhi aron ilubong sa dakbayan.
Si Tumulak mihangyo sa kagamhanan sa lalawigan aron awhagon ang ilang local government units (LGU) pag assist sa mga pamilya sa mga namatay nga adto kini ilubong sa ilang tagsa tagsa ka localities.
Sa nalambigit nga kalambuan, dunay kapin sa ₱ 10 million ang gi gahin alang sa columbarium niches sa syudad.
Gigahinan kini sa kagamhanan sa syudad alang sa upat ka cemetery columbarium takiwa sa pagsaka sa gidaghanon sa mga nangamatay sa syudad.
Sa pagka karon, naghuwat pa ang syudad alang sa memorandum of agreement nga mapirmahan tali sa kagamhanan ug sa Archdiocese of Cebu Board aron makasugod na sa construction works.
Basi sa report sa Emergency Operation Center, mo abot sa 20 ngadto sa 26 ang average nga mamatay kada adlaw sa syudad sa Sugbo.
Duna na say lakang alang sa mass grave, mass burial sa Barangay Adlaon, bukirang barangay sa syudad.
Ang syudad sa Sugbo lakip sa Tri Cities gipaubos sa Modified Enhanced Community Quarantine sukad pagka Agosto 1 hangtud sa 15, ug gi extend sugod sa Agosto 16 lahos na sa Agosto 31, 2021. (Jhon Tadlip)
(News & photo courtesy of Cebu City Government)
