Cebu City – Giawhag sa Land Transportation Franchising & Regulatory Board o LTFRB-7 ang mga operator sa PUV o public utility vehicle nga ipa-enroll ang ilang drayber sa Drivers Academy program sa ahensiya.
Ang Drivers Academy program motudlo sa mga drayber bahin sa values formation, customer courtesy, ug traffic rules.
Suma pa ni director Eduardo Montealto Jr., gidasig niya ang mga operators pag-ila sa mga drayber nga wa pa maka apil sa programa aron ipalista nga libre.
Nagtuo si Montealto nga dihang nagsugod ang pandemic nangundang ang ubang drayber busa nagkuha na og bag-o nga wa pa makaapil sa Drivers Academy.
Gipasabot ni Montealto nga gikinahanglan kini nunot sa nahitabong mga aksidente nga naglambigit sa mga PUVs.
Nagduda siya nga ang maong mga disgrasya nag gumikan sa human error.
Hinuon, gitataw ni Montealto nga ang pag-apil sa mga drayber sa programa dili garantiya nga molambo ang katakos sa hiwing mga drayber.
Pero nanghinaot siya nga makapakunhod kinisa gidaghanon sa mga reklamo, kalapasan ug aksidente sa kadalanan. (Jhon Tadlip/JTY, photo courtesy by CCDRRMO)
(Source: LTFRB 7)
