Cebu City-Nakatala na ang sam-ang katoliko sa Humayhumay, Brgy. Gun-ob, dakbayan sa Lapu-Lapu og 8,500 ka bisita gikan sa Okt. 15 ngadto sa 26.
Ang piniyalan sa menteryo nga si Joselito Castañares miingon nga na rekord nila ang manuaw sa lubong pinaagi sa kupon o priority number nga kuhaon sa kombento sa simbahan sa Birhen sa Regla.
Gibanabana ni Castañares nga ang sam-ang sa Humayhumay aduna nay 10,000 ka lubong.
Sa miaging adlaw, si Mayor Junard “Ahong” Chan mibisita samenteryo sa Humayhumay usa ka adlaw di pa ang deadline o pagsera sa mga sam-ang gikan sa Okt. 29 ngadto sa Nob. 4 base sa gimando sa IATF o Inter-Agency Task Force.
Hinuon, matod ni Chan, mobalik pagbukas ang menteryo sa Nob. 5 ngadto sa 15.
Sa iyang tan-aw, suma pa ni Chan, maayong pagkaduma ang sam-ang diin ang health ug safety protocols natuman labi na ang social distancing.
Sa nasayran, gipatuman sa menteryo sa Humayhumay ang kupon o priority number system para pag-control sa pagdasok sa mga manuaway sa lubong. (Jhon Tadlip/ JTY)
(Source: Lapu-Lapu City Provincial Information Office)