Cebu City – Hayan makadawat na karong unang semana sa Mayo 2021,ang mga Cebu City Medical Center (CCMC) ug Cebu City Quarantine Center (CCQC) job-order (JO) nurses sa ilang sweldo nga delay ug upat ka buwan.
Kini maoy gisaad ni City Administrator Floro Casas, Jr., human sa panawagan sa 98 ka mga nurses nga ma hatag na ang ilang suhol human sa upat ka buwan nga way sweldo sweldo atol sa “second wave” Coronavirus disease 2019( COVID-19) pandemic.
Matod ni Casas nga ang mga nurses gi hire aron pag dugang sa manpower sa CCMC atol sa pagsaka sa mga kaso sa unang quarter sa 2021 hangtud sa unang semana sa buwan sa Abril.
Gipahigayon ang dinaliang pag hire aron pagsanta nga ma overwhelm ang health care system sa Syudad, ug ang budget sa hiring gikuha gikan sa disaster funds nga mokabat ug P4.3 million.
Suma pa ni Casas nga wala naapil sa annual budget ang ilang sweldo.
“Wala nato siya na budget, kay pagtaas sa atong case pag January, nagdugang tag personnel. So ilang source of funds ani mo agi pa sa disaster council ug sa City Council pa pod,” pasabot ni Casas.
Dugang pasabot niya nga nadugay gyud ang proseso sa source of funds sa sweldo sa mga nurses hinungdan nga dunay pagka langay.
Anaa na karon sa payroll sa buhatan sa City Administrator ug gitakdang ma release kini sa unang semana sa buwan sa Mayo. (Jhon Tadlip/JTY)
(Source: City Administrator’s Office-Cebu City, photo courtesy by Floro Casas Jr. Facebook account)