Dakong pamurwesyo ang gihimo sa duha ka suspetsado nga mag silingan ug nagpuyo sa Ganghaan Barangay Sta Cruz Tagoloan Misamis Oriental, kay ilang gipangkawat ang mga square copper wire sa pipila ka mga street lights nga naa nahimutang sa national highway sa Villanueva gikan Barangay San Martin paingon sa Barangay Poblacion sa nasangpit nga lungsod, hinungdan nga ngitngit na ang maong kadalanan panahon sa kagabhion.
Naila ang mga kawatan nga silang Erwin Canabal, 30 years old ug Ronel Cabornay 19 years old pulos lumulupyo sa Ganghaan Sta Cruz Tagoloan.
Taod-taod nang gi monitor sa kapulisan ug mga empleyado sa LGU-Villanueva ang maong mga kawatan kay mismo ang proyekto sa gobyerno nga street lights mao namay gi target sa mga suspetsado, ug salamat sa mga concern citizens nga maoy nagtaho sa lantaran nga pagpangawat sa duha ka mga dinakpan ug abtik daun nga gi respondihan sa mga kapulisan sa Villanueva MPS ug dadto na aktuhan ang duruha kamolo ug bitbit sa mga copper wires sa mga street lights.
Mokabat sa 25K ang kantidad sa mga kinawat nga mga copper wires ug lakip sa na confiscate sa posisyon sa mga suspetsado ang wire cutter, martilyo ug screwdriver nga maoy ilang gigamit sa pagpangawat.
Kasong theft ang isang at nga kaso laban sa duha ka suspetsado ug naa sila karon paslak sa presohan sa Villanueva Police Station.
Salute to PNP Villanueva sa pagpangulo ni PMAJ Princess Bergado ug sa informant nga maoy nag report sa lantaran nga pagpangawat sa mga suspetsado