27.2 C
Manila
Friday, March 29, 2024

Mga Nataptan Sa Coronavirus Sa Dakbayan Sa Sugbo Miabot Na Og Kapin Sa Duha Ka Libo

- Advertisement -

Cebu City- Nahatungtong na sa dos mil nga marka ang gidaghanon  sa mga hitaptan sa coronavirus disease o Covid 19 sa dakbayan sa Sugbo ug nagpabilin nga nag-una sa labing daghan og kaso sa mga LGUs sa nasod.

Segun sa tinubdan, miabot na og 2,013 ang tanang ihap sa natakdan sa virus sa 38 ka barangay human madugangi og 21 gahapon, Mayo 27.

Ang  21 ka new cases natala sa  11 ka urban barangays nga naa nay mga kao daan.

Naglabi sa bag-ong mga kaso gikan sa brgy Suba nga mitala og pito ug kini nahimutang gihapon sa mga sityo nga naglibot sa Suba fish port nga giserhan duha ka semana na ang nakalabay tungod sa pagdaghan sa mga nataptan sa virus.

Tulo usab ang natala sa Duljo Fatima samtang sa Mambaling usa ra.

Ang brgy. Tejero napun-an og duha  ug sa Lahug, Inayawan, Sawang Calero, Kinasang-an, San Nicolas Proper, Kamputhaw, Poblacion Pardo, ug Carreta adunay tagsa.

Gipasabot sa tigpamaba sa mayor, City Atty. Rey Gealon mipasabot nga ang padayong pagsaka sa mga kaso naggumikan sa padayong contact tracing,  mass swab testing sa apektadong mga lugar ug paspas nga pagpagawas sa resulta sa molecular laboratories.

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -