Cebu City – Gipasalig sa kagamhanan sa dakbayan sa Sugbo nga i-release na ang financial aid nga gipasalig ngadto sa mga nars nga nag-alagad sa pribadong mga tambalanan karong sunod semana.
Sumala pa ni Atty. Rey Gealon, tigpamaba sa siyudad, miingon nga ang mga papeles ug requirements sa 1,800 ka beneficiaries sa ayuda anaa na sa buhatan sa city administrator aron ma-review.
Nagpasabot kini nga ang financial assistance ubos na sa  payroll process ug sa di madugay mapagawas na.
Matod ni Gealon, kon dili na mada karong semanaha, adto na kini sa sunod semana mahatag sa mga benepisyaryo.
Sa nasayran, nagpahinumdom ang Philippine Nurses Association o PNA Cebu City Chapter sa gipasalig sa siyudad nga insentibo dihang bag-o pang mikatap ang Covid 19.
Suma pa ni Labella, nalangay ang paghatag sa maong hinabang tungod sa documentary requirements nga gikinahanglan sa mga benepisyaryo.
Mao kini ang unang higayon nga mohatag ang siyudad og ayuda sa mga nars sa pribadong ma ospital hinungdang gihimo ang makuting proseso sa paglista ug paghashas sa mga benepisyaryo para walay bulilyaso. (Jhon Tadlip / JTY)Â
(Source: Cebu City – Public Information Office)