Mga nailikas na Pinoy mula Libya umabot na sa 107

Umabot na sa 107 Pilipino ang naayudahan ng Embahada ng Pilipinas sa Libya para umuwi ng Pilipinas.

Panibagong batch ng mga Pinoy mula sa Libya ang nakatakdang dumating bukas na kinabibilangan ng tatlong menor de edad.

Ang mga Pinoy ay inilikas mula sa Tripoli, Libya patungo ng Tunis kung saan sila magpapalipas ng gabi bago bumiyahe pauwi ng Pilipinas.

Noong Mayo pa itinaas ng Department of Foreign Affairs (DFA) sa alert level 4 ang estado sa Libya dahil sa matinding bakbakang nagaganap sa Tripoli at mga karatig na lugar.