Radio Philippines Network
DYKC Cebu News Provincial News

Mga Motorista Ug Mamitikay Gi-Awhag Nga Dili Mo Obstruct Sa Karsada Sa TCH

Cebu City – Giawhag sa Cebu City Transportation Office (CCTO) ang mga motorista nga dili mo obstruct sa karsada sa Transcentral Highway (TCH) ug ganahan sila mga mokuha ug hulagway o “mamitik”.

Gimandoan ang mga motorista nga kinahanglan ilang sundon ang road signs sa dan sa kabukiran sa Syudad sa Sugbo aron paglikay sa aksidente.

Dunay mga lugar sa TCH nga prone sa disgrasya maong dili maayong baldahon sa mga motorista aron lang maka “pamitik.”

Gipadayag sa CCTO deputy Chief of operations ug information officer, Paul Gotiong nga wala may problema kanang picture -picture, pero alang kaniya seguraduhon nga dili lang makaali sa mga motorista nga mangagi.

Pahimangno ni Gotiong nga adto lang sa kilid (ang mga mamitikay).

Basi sa impormasyon, dunay mga motorista nga mag “panic” sa higayon nga dili nila makit-an ang road markings ug signages nga gi-alihan sa mga tawo o motorista nga mokuha ug hulagway.

Gi-angkon ni Gotiong nga di gyud malikayan nga ang mga tawo kay mangadto og bukid kay lage gustong marelax.

Dugang pahimangno niini nga mo follow lang gud sa sakto, dili lang maghimo og mga butang nga makababag sa dalan.

Gihimug-atan niya nga ang ka importante sa road signs nga usa sa mga elemento diha sa dan nga magsilbing communication, guide ug warning sa mga drivers.

Ang CCTO mipahugot sa ilang pagpatuman sa traffic laws labi na kadtong illegal nga nag parking sa ilang sakyanan sa lugar.

Sa ilang bahin dunay pipila ka mga motor riders ug mamitikay ang nakapangutana nga sala ba sa mamitikay ang disgrasya.

“Wa ko kasabot kung unsay connection sa mamitikay sa disgrasya?, almost every weekend mag agian ko diri from Cebu City to Asturias, dili kailangan magpahaguros ka ug padagan para lang mapitikan, maskin mag aginod kapa if ma atlan ka sa photographer then ma capture imong moment,” matod sa usa ka netizen.

Sa miaging semana duha ang patay sa aksidente tali sa motor ug sa pick up dool sa boundary sa Syudad sa Sugbo ug sa lungsod sa Balamban. (Jhon Tadlip/JTY)

(Source: Cebu City Transportation Office, photos courtesy of Motoholic | Tipsy Shots | Simplified Photographies )

Related posts

COVID-19 Update: Rinconada Records 4 New Cases, 1 Death

RPN

SRA Has Mandate to Regulate Sugar Importation

RPN

95% Covid-19 patients in NegOcc recover

RPN News