Cebu City – Walay madawat nga bonus ang mga kawani sa gobyerno sa siyudad sa Lapu-Lapu karong tuiga.
Mao kini gipahibawo mismo ni Mayor Junard “Ahong” Chan gahapon.
Gipasabot ni Chan nga wala nay magamit ang kagamhanang local para sa bonus kay nahurot na sa pag-atubang sa pandemya.
Hinuon, gitataw ni Chan nga kon imando ni Presidente Rodrigo Duterte ang paghatag og bonus sa mga empleyado mapugos siya pagtuman.
Suma pa niya, mangita silag tinubdan sa pundo kon pananglit mo-order ang presidente.
Subay niini, gipangayo ni Chan ang pagsabot sa mga kawani.
Gipasalig usab sa mayor sa mga empleyado nga makadawat kini sa ilang 13th-month pay.
Gawas niana, manghatag usab ang siyudad og tagilma ka kilong bugas humay ug ham sa tanang kawani. (Jhon Tadlip/JTY, photo courtesy by Junard “Ahong” Chan)
(Source: Lapu-Lapu City Public Information Office)
