Mga Japanese sa Wuhan, China ililikas na ng kanilang pamahalaan

Ililikas na ng Japan ang kanilang mamamayan na nasa Wuhan, China kung saan nagsimula ang novel coronavirus (nCoV).

Sa inilabas na pahayag ni Prime Minister Shinzo Abe, nakikipagtulungan na sila sa Chinese government para sa paglikas ng nasa 430 Japanese na naroon sa nasabing lugar.

Handa umano ang Japan na i-evacuate ang kanilang mamamayan sa anomang klaseng paraan maging ito man ay sa pamamagitan ng chartered flight.