28.4 C
Manila
Sunday, April 21, 2024

Mga Gamit Sa Ambulansya Sa CdeO Gipasusi

- Advertisement -

Gikinahanglan nga kini nga paghitabo dili na mausab. Gusto kitang masolsoyonan ang problema.

Kini ang reaksyon ni konsehal Edna Marban-Dahino, chairman sa komite sa Finance, Budget & Appropriations, human mabati ang taho ni konsehal Eric Salcedo kalabot sa matod pa pagdumili sa drayber sa ambulansya pagresponde sa aksidente  ug pagdili sa paggamit sa ambulansya gumikan sa rason nga mabdos o buntis lang ang mahimong ikarga.

Sa regular sesyon sa konseho nga gidumala ni bise mayor Kikang Uy, si Dahino miingon nga angayang masusi ug masuta ang tanang mga ambulansya dinhi sa syudad. Kinahanglan doblehon ang aksyon nga pagahimoon gumikan kay kini kinabuhi na ang nakataya.

Siya midugang nga subo paminawon nga unta aduna pay kahigayonan nga mabuhi ang pasyente apan gumikan sa maong sitwasyon kini nakabsan sa kinabuhi.

Makasakit sa ulo nga mga impormasyon nga tungod sa pagdili sa pagtubag sa panginahanglanon sa ambulansya usa ka kinabuhi ang nakalas, panapos ni konsehal Dahino. 
(Sangguniang Panlungsod – CdeO)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -