Adunay dul-an sa 334 ka mga gagmayng negosyante nakapahimulos isip nahimong benepisyaryo sa Sustainable Livelihood Program SLP payout nga gipahigayon kagahapong adlawa, Septyembre 30,2024 didto sa D’food Hub and Events Center, Dipolog Boulevard.
Ang mga benepisyaryo gilangkuban kini sa mga gagmayng negosyante dinhi sa dakbayan diin nakadawat sa tag P15,000 matag usa.Ang maong ayuda daku kining tabang kanila ilabina sa pagpalambo sa ilang negosyo isip dugang capital.
Ang Sustainable Livelihood Program o SLP usa ka capacity-building program sa DSWD nga tumong ug tinguha nga mahimung malamboun ang panginabuhi sa mga gagmayng negosyante ingon man sa socio-economic well-being sa mga kabus sa komunidad.
Kahibaloan mokabat sa P5,010,000 ang kinatibuk-ang pondo nga gipang apod-apod ngadto sa mga benepisyaryo nga nag gumikan pa sa buhatan ni ACT-CIS Partylist Representative Erwin Tulfo ug Rep. Edvic Yap diin gitambongan kanila sa nahisgutang activity.
Nahimong mabolokon ang maong pay-out pinanguluhan sa DSWD Dipolog ug ni DSWD SLP Region IX Regional Program Coordinator Mona Escandar inubanan ang CSWDO.
Sa maong aktibidad anaa usab ang amahan ning dakbayan si City Mayor Darel Dexter Uy, Vice Mayor Senen Angeles, mga konsehal ning syudad ug uban pang mga opisyal. (Angelica T. Obina)
(Source: Dipolog City Government)