Cebu City- Apil na sa exempted sa border entry restriction o pagdili sa pag-agi o pagsud sa probinsiya gikan sa siyudad sa Sugbo ang mga kawani sa fast-food chain, grocery store, botika ug punerarya.
Kini ang unod sa laing EO kun executive order no. 5-O-1 nga giisyo ni Gob. Gwendolyn Garcia nga nagpalapad sa coverage sa eksemsyon sa border entry restriction taliwa sa pagpaubos sa lalawigan sa ECQ kun enhanced community quarantine.
Una niini, giluwatan ni Garcia ang EO 5-O nga nagsera sa mga utlanan sa pobinsiya gikan sa mga tawo sa dakbayan tungod sa kadaghan na sa nataptan sa Covid 19 sa maong dapit.
Ang mga gi-exempt lang sa unang EO sa gobernador mao ang mga opisyal ug kawani sa kapitolyo, mga mahistrado sa korte suprema, court of appeals, court of tax appeals, sandiganbayan, ombudsman ug deputy ombudsman, huwes ug skeletal staff sa lower courts ug mga prosecutor.
Exempted usab ang mga opisyal ug sakop sa DOH, skeletal force sa ubang ahensiya sa gobyerno, healthcare ug admin workers sa ospital, mga sakop sa media, field personnel sa mga utility and energy services; ug mga empleyado sa banko ug money transfer.