Mga basurang itinapon sa Pilipinas dumaong na sa Canada

Nakarating na sa Canada ang barkong naglalaman ng mga basurang itinambak nila sa Pilipinas ilang taon na ang nakalilipas.

Sabado ng umaga, oras sa Canada nang ganap na maibalik sa naturang bansa ang mga waste materials na halos kalahating dekadang nanatili dito sa bansa.

Napag-alaman na dumaong na ang M/V Bavaria sa Vancouver Port lulan ang 69 containers nilang mga basura.

Matatandaang umalis ang nasabing cargo ship sa Pilipinas noong Mayo 31 kasunod narin ng naging kautusan ni Pangulong Rodrigo Duterte na itapon ito pabalik sa Canada.