14 na matataas na kalibre ng baril ang isinuko ng mag – amang Iloilo Rep. Richard Garin at Guimbal Mayor Oscar Garin sa Philippine National Police.
Ito ay matapos na bawiin ng PNP ang inisyung permits to carry firearms sa mag – ama kasunod ang kontrobersiyal na pambubugbog ng mga ito sa isang pulis.
Ayon sa Guimbal Municipal Police Station, nagsuko si Mayor Garin ng isang 12 – gauge shotgun at apat na caliber .45 pistol.
Habang ang anak nitong si Rep. Garin ay nagsuko naman ng siyam na riffle at pistol.
Sa record ng PNP, ang mag – amang Garin ay mayroong 19 na armas na naka rehistro sa kanilang pangalan kung saan walo sa mga ito ay expired na ang lisensya.