Ibinasura ng Sandiganbayan first division sa hirit ni Pork Barrel Queen Janet Lim Napoles na manatili sa Camp Bagong Diwa sa Taguig City.
Hindi kinagat ng anti – graft court ang depensa ni Napoles na at risk ang kanyang buhay sakaling ilipat sya sa Correctional Institution for Women sa Mandaluyong City.
Kaugnay nito, nagpalabas ng commitment order si Associate Justice Edgardo Caldona ng Sandiganbayan first division para ibalik si Napoles sa Correctional.
Una nang inihirit ni Napoles na payagan ng korte ang kanyang pamamalagi sa Camp Bagong Diwa habang dinidinig ang kanyang apela sa kanyang plunder conviction.