Mga bagong bitak sa paligid ng Bulkang Taal mino-monitor ng PHIVOLCS

Mino-monitor ng PHIVOLCS ang bagong bitak sa lupa sa Northern Slope ng Bulkang Taal.

Bukod dito, napansin ring mas lumaki ng ilang sentimetro ang mga hati sa lupa sa bahagi ng Lemery, Agoncillo, Talisay at San Nicolas, Batangas.

Batay sa pinakahuling tala ng PHIVOLCS, tinatayang nasa 174 na pagyanig na ang naitala simula kahapon hanggang kaninang 5:00 ng umaga.

Samantala, nakataas parin sa alert number 4 ang status ng Bulkang Taal, ibig sabihin ay anomang oras o araw ay maaaring sumabog ito.