Isasalang na sa mass testing ang Metro Manila bukas, ika-21 ng Abril.
Ayon kay National Action Plan Against COVID-19 Chief Implementer Carlito Galvez, ang Metro Manila ang nagsisilbing episentro ng virus sa bansa kung kaya’t uunahin ang mga pinaghihinalaang nadapuan ng sakit.
Aniya, kakayaning maisalang sa COVID-19 testing ang nasa 8,700 katao sa loob lamang ng dalawa hanggang tatlong araw.
Samantala, bumili na rin aniya ang pamahalaan ng 2-milyong rapid testing kits bilang reserba sakaling lumobo pa ang kaso ng COVID-19 sa bansa.