29.8 C
Manila
Friday, March 29, 2024

MEPZ Workers Sugdan Na Pag Pangbakuna Karong Semanaha; Lapu-Lapu Target Nga Makakab-Ot Ug Herd Immunity Sa Wala Pay Pasko

- Advertisement -

Cebu City – Mosugod na karong semanaha pagpangbakuna ang Syudad sa Lapu-Lapu ngadto sa mga trabahante sa Mactan Export Processing Zone (MEPZ) nonot sa pag abot na sa 53 porsiento sa ilang total target vaccinees.

Nanghinaut sa Mayor Junard “Ahong” Chan nga maka bakuna ug 70% sa dili pa moabot ang Christmas aron makab-ot ang herd immunity.

“Naa na ta sa 53 percent na ang nabakunahan mao na karon kita na ang mopaduol sa atong bakunahan, gikan sa barangay, karon moadto na ta sa mga kompaniya,” pahibaw ni Mayor Chan sa usa ka press conference.

Ang 53 porsiento pulos kini na bakunahan sa ilang first ug second dose.

Gibutyag ni Chan sa mga tigbalita bag-o lang gisirad-an nila ang Mactan Newtown vaccination site, ug karon ilang i apil ang mga trabahante sa MEPZ.

Gipahibaw sa mayor nga mo bisista sila door-to-door sa mga MEPZ locators, sa nadawat nila nga warm response gikan sa mga company administrators.

Nagkanayon si Chan nga ang Deputy Head, Local Vaccination Operation Center nga si Atty James Allan Sayson mo sugod karong semanaha tungod kay duna na silay gitakdan nga schedule sa MEPZ.

Pinaagi ning maong stratehiya, masaligon ang mayor nga makab-ot niini ang herd immunity sa dili pa ang Pasko.

Nonot sa pagpalapad sa vaccination coverage sa syudad, pormal nang gibuksan sa local nga kagamhanan sa miaging semana ang ilang ika-duhang isolation facility, 260-bed capacity sa Mactan National High School.

Gitawag kini nga Temporary Treatment and Monitoring Facility (TTMF) 2, nga mao mo cater sa dunay nga mild ug moderate asymptomatic Covid patients.

Ang TTMF2 isolation facility dugang kini sa unang pasilidad, ang 206-bed isolation facility sa Lapu-Lapu City College nga nahimutang sa Barangay Gun-ob.

Maka atiman ang syudad ug kapin sa 400 ka mga asymptomatic Covid-19 patients, samtang ang mga symptomatic cases anha kini sa Lapu-Lapu City Hospital ug ubang pribadong hospital sa syudad.

(Source: Lapu-Lapu City Public Information Office)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -