Niining panahon sa pandemya, ang mental health sa tawo usa sa dakong butang nga gitutokan sa Lokal nga Panggamhanan sa Misamis Oriental pinaagi sa Provincial Health Office (PHO).
Human ang pagkasunog sa buhatan sa PHO niadtong Abril 14, 2021 ang maong buhatan ilawom sa pagdumala ni Dr. Jerie Calingasan wala nagmakuli sa paghatag sa mga batakang serbisyo hilabina sa mental health sa tanang Misamisnon human gimandoan kini ni Governor Bambi nga sigurohon ang aspeto sa kahimsog sa pangisip.
Bisan paman sa pandemya, ang maong buhatan ilawom ni Provincial Coordinator for Mental Health/Drug Induced Psychosis Program nga si Ms. Joy Tagarao padayun sa pag-implementar sa nagkalain-laing Mental Health programs sama na lamang sa pagpanghatag og mga tambal nga maintenance sa mga mentally-illed person gikan sa nagkalain-laing lungsod sa probinsya.
Ang maong programa sakop kaniadto sa MisOr Cares tungod kay susama ang tumong niini sa paghatag og serbisyo hilabina sa panglawas sa mga Misamisnon.
Kasamtangan, walay natala nga pagtaas sa kaso sa mentally-illed person tungod kay maayo ang pagdumala niini apan ang dominante sa pasyente niini ang mga kabatan-onan tungod sa kalisod sa modules hilabina ning panahon nga blended learning ang paagi sa pagkat-on sa mga kabatan-onan.
Ang mga programa sama sa Information Dissemination pinaagi sa Mental Health Awareness ngadto sa mga munisipyo ug mga kabarangayan aron sa pag edukar sa mga katawhan bahin sa mental health program sa lalawigan; After Care ug Follow up sa mga pasyente hilabina sa pagpanghatag og maintenance kanila; Pagpanghatag og mga ayuda ngadto sa mga pasyente nga namatyan o naagian sa katalagman pinaagi sa pag refer sa buhatan sa PSWD o Provincial Social Welfare and Development ug pang-apud-apod sa ilang mga monthly maintenance nga Oral Medicine ug Injections nga libre lakip na ang pagkunsulta.
Taliwala sa gisagubang karon, daghang mga paagi nga padayun nga gibuhat sa maong buhatan sama na lamang sa pagtawag pinaagi sa cellphone o text gikan sa mga RHU Staff ug mga Barangay Officials. Kasamtangan, ang mga RHU Staff, Kagawad ug Kapitan lamang ang mahimo nga moadto aron pagkuha sa injections ug mga tambal sa ilang mga pasyente gikan sa ilang munisipyo.
Bout lamang nga masiguro sa administrasyon ni Governor Bambi Emano nga matutokan ang bisan unsang panginahanglan sa katawhan dili lang sa ekonomikanhon, pisikal, financial, social apan mental nga aspeto hilabina nga naghatag sab og kagoul sa kadaghanan kining sitwasyon karon hatod sa pandemya. (Provincial Health Office)