Davao del Norte – Ipatuman sa lokal nga panggamhanan sa Island Garden City of Samal (IGACOS) ang 24 oras nga liquor ban sulod sa usa ka bulan tungod sa hinungdan nga nakasulod na ang Delta Variant sa covid -19 sa Davao Region.
Si IGACOS Mayor Al David Uy nagpagawas ug Executive Order No. 304 kung asa nahi-unod nga epektibo ang 24-oras nga liquor ban gikan Hulyo 30 hangtud sa Agusto 30 ning kasamtangang tuig.
Gipaklaro ni Mayor Uy nga kinahanglang ipatuman ang istrikto’ng lakang sa tumong nga malikayan ang pagkuyanap sa variant of concern sa virus.
Subay niini, gimandoan ni Uy ang Philippine National Police (PNP), Task Force Samal, Civilian Volunteer Organization ug mga Barangay Officials nga magpahigayon ug surveillance ug monitoring sa pagpatuman sa nasangpit nga kamanduan.
Ang kinsa man nga madakpan nga naka-inom o ubos sa impluwensya sa ilimnong makahubog, ipailawom sa Antigen Test- (Reverse Transcription-Polymerase Chain Reaction) RT-PCR test.
(Source: IGACOS City Information Office)