Mekeni handang makipagtulungan sa imbestigasyon matapos magpositibo ang kanilang produkto sa ASF

Tiniyak ng Mekeni Food Corporation na patuloy na makikipagtulungan sa mga otoridad sa imbestigasyon para matukoy ang pinagmulan ng African swine fever (ASF) sa kanilang dalawang produkto.

Ito’y matapos makumpirmang nagpositibo sa ASF ang skinless longganisa at hotdog ng Mekeni.

Kasabay nito nanindigan ang Mekeni na sumusunod sila sa lahat ng regulasyon at sertipikasyong itinatakda ng pamahalaan.

Anila nagkataon lamang na nakitaan ng bakas ng ASF ang kanilang dalawang produkto.