Mega Quarantine Facility Tagplano Na Tukuron

Tagpahibayo ni Surigao City Mayor Ernesto U. Matugas, Jr. na base sa abiso ni Gov. Francisco “Lalo” Matugas, an Philippine Army na an nagdumaya sa checkpoint sa border nan Probinsia didto sa lungsod nan Alegria, kun diin mapaabot an mas strikto na pagbantay sa entrada pasuyod sa probinsia nunot gihapon sa nagpadajon na hulga sa corona virus.

Samtang tagsugilon isab ni Mayor Matugas na jaoy programa an DPWH para sa katukuran nan tagtawag na Mega Quarantine Facility, subay dinhi nakabagat na nan lugar luna sa lupa na tukuran nan ini na proyekto na nagtumong sa mas sajon na pagdumaya sa mga ikwarantina bisan kun maghamok gajod an manguli na LSI sanan ROF tungod sa nagpadajon na pandemic sa CoViD-19. (Jhino Parrucho, Ronda 10 RPN DXKS)