Taghatagan kabii ni Congressman Robert Ace Barbers nan food and disinfectant supplies an mga frontliners sa Caraga Regional Hospital nga milihok sa pag-asikaso sa mga Patients Under Invesgation sa COVID-19.
Sumaya pa ni Mark Anthony Basul sa interview sa RPN DXKS, tagpangutana nila an mga frontliners kon unoy tagkinahanglan nila na supply. Dihang nasayran na kinahanglan nila an mga disinfectants sama sa alcohol, sabon sanan iban pa, tagpahingas dajon ni Congressman Barbers an idja staff sa Abante Surigao Development Organization. Gisiguro usab sa kongresista na mapanalipdan an ila kaugalingon sa makalilisang na sakit nga dili sila matakdan. Nagrepresentar kan Congressman Barbers sa distribution kabii si Liza Monteros.
Note: This is the original story written by RPN DXKS. Anyone posting this story without our credit is already copying our writeup. (with pictures from Mark Anthony Basul)