Medical bulletin ni Pangulong Duterte tinangging isapubliko ng Malacañang

Tumanggi ang Malacañang na isapubliko ang medical bulletin ni Pangulong Rodrigo Duterte.

Ito ay kaugnay ng kumakalat na balitang patay na si Pangulong Duterte.

Ayon kay Presidential Spokesperson Salvador Panelo, nagpahinga lang ang pangulo at wala itong malubhang sakit.

Una rito, naglabas rin ng video ang common law wife ng pangulo na si Honeylet Avencena kung saan pinabulaanan nito ang mga kumakalat na balita.

Matatandaang kumalat ang mga ispekulasyong patay na si Pangulong Duterte matapos nitong hindi makadalo sa isang event sa Palo, Leyte.