30.9 C
Manila
Friday, March 29, 2024

Maysa A Menor De Edad, Pimusay Kalpasan A Nalmes Iti Dam Sa Diay Nagtrigoan Pinili Ilocos Norte

- Advertisement -

Pimmusay ti maysa a menor de edad, agtawen ti sangapulo ket tallo agnanaed sadiay Brgy. Pagdilao Pinili Ilocos Norte kalpasan daytoy a nalmes iti dam sadiay Brgy. Nagtrigoan iti met laeng nadakamat nga ili.

Napagammuan a iti biktima ket napan da iti nadakamat a dam gapuanan ta adda agkasangay kaduana iti agarop sangapulo a tao ken agpapada a taga Brgy. Pagdilao.

Basar iti imbestigasyon, ti biktima ket napan naglawin iti ikan ngem dita metten a nalmes isuna. Kuna dagiti nakakita kaniana bayat iti kaadana ti danom nga agarop sangapulo a kadapan ket dita metten nga agtegtegerger ti biktima.

Inbatad met ti ikit na a ni Honey Marzan, ti biktima ket adda iti sakit na a kumbolsyon ken panagkissiw nangnangruna no mabannog daytoy.

Naiyaon ti biktima kalpasan iti tallo pulo a minutos a kas paneknekan ni Junelyn Cargado, agtawen ti uppat a pulo ket maysa ken taga Brgy. Nagtrigoan, Pinili ken dita metten iti isasangpet dagiti kameng ti Bureau of Fire Protection, Municipal Health Office, PNP-Pinili pakairamanan dagiti Brgy. Officials.

Ti biktima ket naitaray sadiay Karmelli Hospital iti Brgy. Apatut Lubong iti nasao nga ili gapuanan ta adda paylaeng sangkabassit a pulso na ngem idin ta maisangpet daytoy iti nasao nga ospital ket ditan a naideklara a dead on arrival.

Saan met a naala ti panig dagiti nagannak kenkuana gapuanan ta adda ti ama na sadiay ballasiw taaw ken ti ina na ket agub-ubra sadiay sabali a probinsia.

- Advertisement -
- Advertisement -

Related Articles

- Advertisement -
- Advertisement -

Latest Articles

- Advertisement -