Mayorya ng mga katoliko, pabor na buksan na ang mga simbahang nasa ilalim ng MECQ, GCQ

Pabor ang mayorya sa miyembro ng Katolikong simbahan na buksan ang mga simbahan na nasa ilalim ng modified community quarantine (MECQ) at general community quarantine (GCQ).

Batay sa isinagawang online survey ng radyoveritas.ph na pastoral suggestion for the new normal of the church, lumalabas na 80% mga Katoliko ang sumasang-ayon na buksan na ang simbahan para sa religious gatherings.

40% naman ang nagsasabing dapat na magpatupad ang mga simbahan ng mahigpit na hygiene protocols para sa mga dadalo sa pagsimba.

Habang, 16% naman ang naniniwalang mas makakabuti kung sa online nalamang ibatid ang iba’t-ibang religious gatherings.

Samantala, isinagawa ang naturang survey noong May 9 hanggang May 14, 2020.