Gikabutyag ni Maasim Municipal mayor Zyrex Pacquiao nga andam siyang motabang sa unsa mang panginahanglan alang sa pagpalambo sa top view kon gufadweng, paragliding site, Tinoto, Maasim Sarangani Province.
Kini iyang gibutyag atol sa 19th Fanggolo Clan anniversary milabayng adlaw human nahimo kini guest speaker atol sa maong okasyon. Matud pa niini nga duha lamang ka lugar sa maasim ang potential sa turismo kini mao ang Lemluhay diving resort ug paragliding site sa tinoto Maasim.
Ginadugok na kini ug turista ug lauman nga mas mapabibu pa ang lugar ilabina sa planong pagbutang ug farm resort ni Pastor Lito Fanggolo ang head awardee sa kapin tres mil ka hektaryang yuta sa maong lugar. Nalakip ang paragliding site ug sikbit nga mga dapit. Pipila sa mga panginahanglan mao ang imprastraktura kon kadalanan ilabina ang pagpasemento padulong sa gafadweng housing site nga kapin 20 ka ektaryang yuta nga gi donate ni Pastor Fanggolo. Pagkutay sa tubig ug kuryente ug uban pang imprastraktura aron magamit sa katawhan ug mapuy an ang lugar.
Samtang giklaro ni Mayor Pacquiao nga iyang gipasalamatan usab ang dagkong kompanya susama sa Sarangani Energy Corporation, KCC mall, Sta. Clara construction sa seguil hydro alsons power ug uban pang establismento nga mitabang sa pagalambo sa maong lugar. Dakong tabang usab matud pa kini alang sa dugang income sa buhis sa lokal nga gobyerno sa Maasim.
Iyang giimbitahan usab ang mga negosyante nga mobubu ug capital sa maasim tungod business friendly ang lgu ug adunay supesyenteng supply sa kuryente . Naglaum ang Mayor nga sa dili madugay mahimong syudad ang maasim tungod modaghan ang mga tawo kon population tungod daghan ang oportunidad sa trabaho ug modaku ang revenue collection tungod sa daghang mg dagkong negosyo ang mosulod tungod sa stable power supply ug maayong kahimtang sa kahapsay ug kalinaw sa maong lungsod