Cebu City- Nasorpresa si Cebu City Mayor Edgardo Labella sa pagbutang sa IATF o Interagency Task Force for the Management of Emerging Infectious Disease sa dakbayan ubos sa ECQ o  Enhanced Community Quarantine sa milabayng gabii.
Sumala pa ni Labella, namentinar sa siyudad ang high recovery rate nga labaw sa 50 porsyento ug death rate nga ubos sa one percent.
Gani, ang ihap sa mga naulian milapas man sa gidaghanon sa mga kaso nga miabot og 1,874 samtang ang mga kaso 1,716 lang ang tanan.
Hangtod gahapon, matod sa mayor, nagtuo siya nga makataronganon lang ang pagpaubos sa GCQ o general community quarantine sa dakbayan.
Alang niya, ang data sa CHO o city health office, dili haom nga basihan aron ipaubos pagbalik sa ECQ ang dakbayan.
Gani, ang Cebu City man ang labing ubos og ihap sa mga namatay ko itandi sa ubang LGUs sa nasod ug usa sa tulo ka LGUs nga nakahuman sa prevalence survey pinaagi sa serological testing.
Midugang si Labella nga ang record sa mga kaso sa siyudad  dili angayan nga ipailawom sa GCQ ug gani, ang sitwasyon sa Covid 19 sa dakbayan under control na man busa nagplano siya pag-apelar sa IATF.