Iriga City – Dai naitago ni alcalde Madel Yorobe Alfelor an saiyang hinanakit, Ini kasunod naman kan 11ng mga bagong kaso kan covid-19 na nairehistro hali sa man lain-lain na brgy kan cuidad, susog sa data kan DOH-CHD Bicol.
Sigun sa alcalde, bako ng kasalan kan gobierno huli ta dai nagkukulang sa pagpapaguiromdom sa mga namamanwaan na magsunod sa tamang health protocol, alagad dakol an matagas an payo na dai kaini nag-gigibo.
Sa saiyang post, sinabi kan alcalde na may mga residente na kaibahan sa lockdown O naka quarantine alagad sige an paki-inuman sa may Sto. Domingo, sa parte kan Inurugan.
Igua man soboot nin may symptoms na alagad nagluwas pa, nag-iba pa sap ag-swimming, nagpamasahe pa asin nakipag-istoryahan pa na mayo nin face mask.
Sigun sa alcalde tutuo an covid-19 asin dai dapat na ipasipara kan publiko. Sa cuidad nin Iriga 13 na an binawian nin buhay.
Sa report kan Edmero CamSur- nagluluwas na sa CamSur nangiginot an cuidad nin Iriga sa may aktibong mga kaso na 47, hali sa 193 na tinamaan kan covid-19.
Mientras tanto, pira man na banwaan sa Rinconada Area an may halangkaw na numero asin kabali sa top-10 kan may dakol na kaso kan covid-19 sa probinsya nin CamSur.
Ini kinababalihan kan Nabua-28, Bula-14, Baao asin Bato-12, Buhi igua nin apat asin saro an banwaan nin Balatan.
(Source: Edmero Camarines Sur, photo courtesy of Kaya Natin! Movement for Good Governance and Ethical Leadership Facebook page)