Anaa na sa tulo ang natala nga kaso sa B1.1.1.7 infection sa General Santos City, human magpositibo sa maong variant sa SARS CoV2 ang duha nga close contacts sa pinaka-unang pasyente sa siyudad.
Sa gipagawas nga abiso, gipasabot hinuon sa city government, nga sa newly-reported cases, usa niini ang naka-rekober na ug negatibo na sa polymerase chain reaction (PCR) test, samtang ang usa ang nagpabilin pa sa Community Isolation Unit ug asymptomatic.
Gipaniguro usab sa LGU nga nakumpleto na ang gihimong contact tracing sa mga taong nakahimamat sa maong duha ka pasyente.
Sublig namng miapela ang lokal nga panggamhanan sa publiko sa istriktong pagtuman sa gitakdang minimum health standards aron makalikay sa padayong bahad sa Covid-19.
“The LGU is appealing to the public to continue observing nonpharmaceutical interventions such as the proper wearing of masks, face shields, social or physical distancing, proper hand hygiene, and staying at home for all unessential travel.” (John Rey Somido)
