Cagayan de Oro – KAPIN 100 ka scholar-leaders, school-based officers ug community-based officers ang mipailawom sa leadership camp nga gipangulohan sa City Scholarships Office nga ginganlan og ‘KATIG’ bag-ohay lamang diha sa Pilgrim Christian College ug Gardens of Malasag, ning siyudad.
Ang leadership camp gitambongan mismo ni Mayor Klarex Uy diin iyang gipaambit ang iyang kahibalo ug halapad nga kasinatian sa pagpangalagad sa katawhan, ug ang kamahinungdanon sa ‘teamwork’ isip usa ka lider.
Mitambong usab sa kalihukan sila si City Councilor Suzette Magtajas-Daba, City College of Cagayan de Oro Interim President Dr. Jestoni Babia, City Mayor’s Office Consultant Jordan Apat, City Scholarships Office Head Richel Petalcurin-Dahay, Xavier University-Ateneo de Cagayan National Service Training Program Formator Jinkee Gonzales ug MeldCx Vice President Thor Turrecha.
Ang Katig Scholars’ Camp usa ka tinuig nga kalihokan kansang tumong nga ma-showcase ang dalaygon nga mga istorya sa mga scholar-leaders ug mabaid ang ilang leadership potentials.
News and photo courtesy of Cagayan de Oro City Information Office