Iriga City – Iyo ini an lininaw ni Mayor Madel Yorobe Alfelor kasunod na naman kan paglakop kan mga bareta na magkakaigua nin lockdown sa cuidad nin Iriga, asin iba pang lugar sa CamSur na padagos na igua nin mga nagbubutwang kaso nin covid-19.
Sa sarong Facebook post ni Alfelor, sinabi kaini na dai pagtubudon an nasabing mga informacion na konsideradong fake news, imbes tubudon sana an pangapudan na minimum health protocols kan mga awtoridad.
Sa balyong lado, maski si Gov. Migz Villafuerte kan CamSur nagpahayag nin kamunduan sa nasabing mga bareta, alagad an gobernadora an nagsabi na kun igua man nin desisyon na arog kaini kaipuhan na susog ini sa kasuguan kan IATF.
Poon na magdakol an mga kaso sa metro manila asin iba pang parte kan nasyon, dakol an nagkaharandal asin naglatawan na naman an mga bareta nin panibagong lockdown.
(Source: LGU Iriga City)
