Ad-adu pay a bakuna kontra iti covid 19 ti masirsirmata a mapasangpet ti probinsia kadagiti sumarsaruno nga aldaw.
Daytoy ti napintas nga inpadamag da Gob. Mathew Marcos Manotoc ken Dr. Rogelio Balbag, Public Health Consultant ti Ilocos Norte.
Segun kadakuada, iyur uray pay iti binigay ti Ilocos Norte a maysa a milyon a bakuna manipud iti naawat a vaccines ti gobierno nasional itay kallabes.
Maibasar iti naaawat da nga impormasion, binulan ton nga adda iti maawat ti probinsia a maysa a milyon a vaccines mangrugi ita a bulan ti Hulyo agingga iti bulan ti Setyembre.
Dagiti mapasangpet a vaccines ket aglalaok dagitoy ket Sputnik, Pfizer ken Sinovac.
Dinakamat pay ti gobernador a kangrunaan ditoy iti Astrazeneca nga inorder ti probinsia a nairanta kadagiti Priority A1, Priority A2 ken Priority A3 a saan pay a nabakunaan.
Mangnamnama pay da Gob, Marcos Manotoc ken Dr. Balbag nga addan to met mabagi dagiti dadduma pay a frontliners ken dadduma pay iti biang ti economic sectors kadagiti mapasangpet a bakuna ti Ilocos Norte kadagiti masungsungad nga aldaw.
(Cita Macalipis, RPN DZRL Batac Correspondent)
(Source: Provincial Government of Ilocos Norte)