Mas malamig na panahon asahan sa Northern Luzon

Asahan na ang mas malamig na panahon sa Northern Luzon ngayong weekend.

Ayon sa PAGASA, dahil sa pag-iral ng amihan posibleng bumaba hanggang sa 13 degrees celsius ang temperatura sa lungsod ng Baguio.

Gayunman, ang nalalabing bahagi naman ng bansa ay makakaranas ng maalinsangang panahon dahil sa easterlies.

Bagamat may posibilidad ng pag-ulan sa Southern Luzon, Visayas at Mindanao, sa pagtaya ng PAGASA ay pangkalahatan pa ring magiging maganda ang lagay ng panahon hanggang bukas.

—-