Martial law ‘di na kailangan sa Jolo, Sulu —mga senador

Naniniwala ang mga ilang senador na hindi na kailangan pang magdeklara ng martial law sa Jolo, Sulu.

Kapwa nagpahayag ng paniniwala sina Senate President Vicente Sotto III at Senador Panfilo Lacson na sapat na ang mas pinalakas na anti-terrorism law para tugunan ang terorismo sa Mindanao.

Ayon naman kay Senador Richard Gordon, hindi na kailangan ng martial law dahil nasa Mindanao na ang halos 60% ng mga sundalo.

Una nang inihayag ni Army Chief Cirilito Sobejana na irerekomenda nya ang deklarasyon ng martial law sa Jolo, Sulu, kasunod ng suicide bombing na kumitil sa buhay ng 15 katao.

Ang pahayag ni Sobejana ay sinegundahan naman ng Philippine National Police.