Nagpadajun pa ang paghanap sa kapusilan sa suspect nga daling nakasibat human tagtigbas an manghud sa namatay nga ambulance driver.
Ang suspetsado sa pagpanigbas nakilay-an na si Jerlou Borja nga at large pa gehapon hangtod sa kaganihang buntag.
Nahitabo ang insidente sa may Purok 3, Don Julio (Shrine), Brgy. Canlanipa, Surigao City sa may alas 2:00 ang takna sa kaadlawon kagahapon adlaw’ng Domingo Hunyo 12, 2020.
Sa imbestigasyon ni PSSg. Joen Zabala nakilay-an an biktima nga si ARMIE SAONOY OLASIMAN, 35 anyos, layaki, ulitawo, water delivery boy, residente sa Purok 3, Don Julio, Brgy. Canlanipa, Surigao City.
Dugang pa sa imbestigasyon nga mitambong sija sa haya kaiban ang mga parente sa namatay niyang igsoon nga si Marlon Olasiman. Jadto na higayona na alarma ang tanan tungod kay may namuko nan bato. Migawas ang biktima sa ila bayay deretso sa ngitngit nga area kay ija tagsusi sin-o an namukô ug sa ija pagtalikod waya damha ang kalit ini gitigbas. Naigo an ija tuo na bukton sa sundang na taggamit nan suspek dajun dali misibat sa waya masayri nga direksiyon. Human sa insidente ang biktima ang dali tagdaya sa Caraga Regional Hospital para na sa pagpatambay. Personal na motibo amg hinungdan sa pagpanigbas. (Mark James Lisondra, Ronda 21 RPN DXKS)
