Giawhag ni Maj. Gen. Gene Ponio, Kumander, sa 1st Infantry (Tabak) Division ang mga salin sa rebeldeng sakop sa western Mindanao regional party committee kun WMRPC nga mosurrender na sa sabakan sa balaod, nunot sa padayong kampanya sa militar sa EO 70 nga nailang “to end local communist armed conflict” Kun ELCAC ni Pangulong Rodrigo Roa Duterte.
Sa iyang mensahe, “Ang among pwersa naglugway sa nagkinahanglan ug tabang nga mga rebelde, kinsa nagtinguha nga mobalik sa sabakan sa balaod, Aron mahunong na Ang dugong panag engkwentro. Apan dili kami magduha-duha nga gamiton ang bug-os nga puwersa, alang sa mga nagpadayon sa pagsabwag og kalisang sa mga mahigugmaon sa kalinaw nga mga lungsuranon sa Zamboanga Peninsula.”
Kini Ang hangyo panawagan ni Major Gen. Ponio, ngadto sa mga myembro sa rebeldeng terorista, human gibiyaan sa mga kaubang NPA ang patayng lawas sa usa ka babayeng rebelde, kinsa napatay, human sa 30minutos nga panaggubat tali na sa Army’s 97th Infantry kalasaglahi Battalion ug 42nd Infantry tagapagtanggol Battalion, Ang grupo sa mga teroristang NPA sa Sitio Pinis, Barangay Kauswagan, sa Lungsod sa Sergio Osmeña, Zamboanga del Norte kaniadtong Domingo sa hapon.
Kahibaloan nga napatay ang usa ka babayeng NPA sa maong engkwentro, kinsa giila sa militar ug mga kauban niing kanhe rebelde, nga si alyas AnAn, NPA Terrorist Fighter, taga Barangay Saad, Dumingag, Zamboanga del Sur.
Atol sa maong engkwentro, Nakuha usab sa crime scene ang Communist Terrorist Group (CTG) Propaganda materials ug personal nga mga butang.
Samtang sa mensahe ni Lt. Col. Manaros Boransing, Commanding Officer, sa 97IB. “kapin sa semana, ang tropa nga gi deploy sa maong dapit aron sapagtodas sa maong mga rebelde, human sila nakadawat sa report gikan sa nagpakabanang komunidad, nga adunay nasigpatan nga mga armadong tawo, ug mihimo sa pagpangilkil sa mga katawhan sa nasangpit nga dapit.
Matod pa ang Guerilla Front-BBC usa sa nabiling duha ka guerilla fronts human sa sunod sunod nga pag dismantle sa Lima ka guerilla fronts sa Western Mindanao regional party committee WMRPC gikan sa tuig 2019 hangtod karon.
Samtang mipaabot sa iyang pahasubo ug simpatiya si Brig. Gen. Leonel Nicolas, 102Bde Commander, ngadto sa pamilya ni alias An-an.
Gikasubo niya pag Ayo nga adunay napoy laing biktima sa CTG deception nga nakabsan sa kinabuhi, sa walay pulos nga hinungdan sa usa ka dekada nga pag-alsa batok sa gobyerno, ug ang labi ka daotan, siya gibiyaan sa iyang mga nagrecruit ug mga kauban.
Ang tropa maoy nagdala sa patayng lawas sa biktima ug giturnover sa Municipal Task Force to End Local Communist Armed Conflict (MTF-ELCAC) sa Lungsod sa Dumingag.
Niining pagbalita padayon pa ang hot pursuit operation sa tropa sa 102nd Bde, batok armadong teroristang NPAs, nga mikagiw sa direksyon padulong sa kagulangang bahin sa Brgy Nebo ug San Antonio, Sergio Osmena. (Nena Garcia, RPN DXKD Dipolog Correspondent)