Cebu City- Naa sa talandugon ang kahimtang sa usa ka mag-uuma kinsa naka hiagom ug 12 ka samad dinunggaban sa lawas human gi-unay ug dunggab sa iyang silingan.
Matod ni Police Major Ardioleto Cabagnot,hepe sa Dumanjug Police nga ang biktima usa ka Fernando Santa Ana,29 ang edd ug molopyo sa Bukirang Barangay sa Cang-Actol sa nahisgutang lungsod, diin nahitabo ang krimen.
Ang suspek nga ilang silingan usa ka Wilmer Burca,39 anyos, molopyo sa susamang barangay.
Si Wilmer lumad nga taga Quezon City.
Nasayran nga samtang nangandam si Santa Ana alang sa pamahaw sa ilang pamilya, miabot lang ug kalit si Burca ug dayong dunggab ngadto sa nauna.
Misibat dayon si Burca human dunggaba si Santa Ana.
Gipahigayon ang hot pursuti operation sa Dumanjug PNP nga mi resulta sa pagka sikop sa suspetsado ug pagka recover sa kutsilyo nga gigamit sa krimen.
Mag atubang ang dinakpan ug tukmang kaso sa iyang gibuhat.