26 C
Manila
Thursday, February 22, 2024

Lyka Estrella, mihilak sa ma-initon nga pag welcome kaniya sa LGU-GenSan

- Advertisement -

General Santos City – Mitulo gayud ang luha sa kalipay ni Tawag ng Tanghalan (TNT) Season 6 Grand Champion LYKA ESTRELLA dihang iyang nakita ang mabagang-du-ot sa mga empleyado sa LGU-Gensan nga misugat kaniya sa gi-andam nga “welcome program” alang kaniya kagahapong adlawa (May 24, 2023) sa pagpanguna ni Gensan City Mayor LORELIE PACQUIAO ug City Administrator SHANDEE LLISDO- PESTANO.

Gilusad kini sa mismong lobby sa City Hall ning s’yudad sa General Santos alas-11:30 ang takna sa udto. Matud ni Lyka, wala gayud niya damha nga ingon-adto kadaghan sa mga empleyado sa City Hall ang ga-atang ug misugat kaniya kaganinang udto, hinungdang nalukmay pag-ayo ang iyang kasing-kasing ug wala kapugngi ang pagtulo sa iyang mga luha, timaan sa sobrang kalipay.Sa panig usab ni Mayor Pacquiao, gi-asoy niini kang Lyka nga niadtong panahon sa Grand Finals sa TNT-Season 6, dili matud pa siya mahimutang samtang ga-trabaho ug ga-adto sa pipila ka mga public activities sa lain-laing Barangay sa dakbayan, tungod mitutok siya sa pagtan-aw pinaagi sa cellphone sa performance sa maong dalaga hangtud mihukom nga didto na lamang sa iyang buhatan motiwas sa paglantaw hangtud gideklarang Grand Champion si Lyka.

Subli pang gilab-as paghinumdom sa Alkalde ngadto sa maong dalaga nga dihang nag-courtesy call kini kaniya sulod sa iyang buhatan, diin gi-ingnan matud pa niya si Lyka nga kantahon gayud ang kantang: ISANG PANGARAP uban ang pagtagna nga modaug matud pa ang dalaga sa maong kanta ug nahitabo gayud kini. Ang kadaugan ni Lyka, tima-ilnan matud pa nga ang Gensan, pabiling pagatawgon og “HOME OF THE CHAMPION”.

Isip balos nga mensahe, gipasalamatan gayud pag-ayo ni Lyka si Mayor Pacquiao sa full support niini sa iyang journey o panaw sa kinabuhi, kauban ang daghang mga kababayan sa Gensan, tungod kini matud pa ang nahimo niyang inspirasyon ug dakung kusog nga mahimong malig-on sa pakigsangka sa natad sa awit sa TNT-Season 6.Gawas sa City Hall, mi-adto sab si Lyka sa Sangguniang Panlungsod (SP) ug San Isidro Barangay Hall diin ma-initon sab kaayo siyang gisugat sa mga SP Officials/Staff ug Barangay Employees.

(Photo credits to CMO)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -