Davao de Oro – Daling gidala sa balay tambalanan ang usa ka estudyanteng biktima human gipusil sa usa ka mangingisda sa Davao de Oro.
Giila sa kapulisan ang biktima nga si si Justin Buyose Sister, 18 anyos, estudyante, residente sa Purok 3A, barangay Baylo, Monkayo samtang ang suspek mao si Julieto Cañete Quijada, 50 anyos, fish vendor ug residente sa Purok 2B, Barangay Baylo.
Sumala sa report, Naigo sa ubos nga bahin sa iyang likod ang biktima human gipusil kini Quijada.
Dugang niini, bandang alas 11:20 sa gabii, Mayo 22 dihang anaa sa waiting shed sa lugar ang biktima kauban ang duha pa ka mga estudyante dihang giduol sila sa suspek ug gipangkasab-an ug dayon hulbot sa gitakin nga wala matinong kalibre sa baril ug gipusil si Sister.
Dali nga misibat ang suspek, apan nadakpan kini sa mga pulis sulod sa iyang panimalay.
Personal grudge kon adunay pagdumot ang usa sa nasubay sa mga pulis nga motibo sa pagpamusil. (Camille Santos Naraga)
(Source: Monkayo MPS | PIO PRO-XI)