Cebu City – Gihangop sa Land Transportation Office o LTO-7 ang bag-ong policy sa DTI o Department of Trade and Industry nga nagdili sa sellers sa sakyanan paghatag lang sa mga pumapalit og installment option sa pagpalit og sakyanan.
Sa nasayran, miluwat ang DTI og Administrative Order No. 21-03 nga nagdili sa tawo o kompaniya sa pakiglambigit sa sale o offer for sale sa consumer products & services pinaagi sa pag-imponer sa “installment-only” mode of payment sa mga pumapalit.
Kinahanglang hatagan og kagawasan ang customer sa pagpalit pinaagi sa cash, installment, o sa combination sa duha.
Ang pagsalikway sa katungod sa pumapalit pagbayad og cash sa sakyanan kalapasan sa Article 52 sa Consumer Act, ilabi nag di usab motanyag ang seller og discount kon mobayad og cash ang customer.
Ug niadtong mopili sa installment, ang AO nag-ingon usab nga walay interest nga ipahamtang gawas lang kon anaa kini sa kasulatan base sa Article 1956 sa Civil Code. (Jhon Tadlip/JTY)
(Source: DTI | LTO7, photo courtesy of DTI | Khim Rehn)