Cebu City – Gipasalig sa Land Transportation Franchising & Regulatory Board o LTFRB 7 nga inanay nang makabalik pagbiyahe ang tradisyonal nga mga dyip sa kadalanan sa dakbayan sa Sugbo.
Mao kini gipahibawo ni Mayor Edgardo Labella huan sa iyang pakigtagbo sa ahensiya diin ilang gituki ang bahin sa public transport route plan.
Usa sa mga pagtuon nga gipresentar sa LTFRB-7 sa city government mao ang posibleng pagbalik og biyahe sa tradisyonal nga PUJ.
Matod ni Labella, buot nila nga mahibalik ang mga dyip aron nga ang mga bus mobalik usab sa orihinal nga rota sa probinsiya.
Hinuon, basis a pagtuon sa LTFRB-7, ang gidaghanon sa mga pasahero dili pa igo nga maka-justify sa pagbalik sa traditional jeeps.
Nakita sa pagtuon nga diyotay pa ang mga pasahero sa siyudad nga ubos sa MGCQ o modified general community quarantine kon itandi niadtong normal pa ang tanan o niadtong wala pay pandemic.
Gani, nakita sa pagtuon nga bisan ang nagdagan nga mga bus ug modernong dyip nagkuwang pa man sa pasahero. (Jhon Tadlip/ JTY)
(Source: LTFRB VII)
