Cebu City – Nakasakmit na usab og laing hut-ong sa mis-declared nga mga ginamit nga sinina o “ukay-ukay” nga kantidad og ₱ 4.4 milyones ang mga tinugyanan sa Bureau of Customs o BOC Cebu sa miaging adlaw.
Segun sa report sa BOC Cebu, gideklarar ang kargamento nga mga hotel supplies apan diay 635 ka bandol sa ukay-ukay ug ubang produkto.
Sa nasayran, ang importasyon sa used clothing gidili sa Republic Act 4653.
Ang acting collector sa Customs Cebu, Charlito Martin Mendoza, miisyo og Pre-Lodgment Control order batok sa shipment basi sa intelligence information nga gihatag sa intelligence group sa CIIS o Customs Intelligence and Investigation Service.
Gipahibawo usab sa BOC Cebu nga nag-isyo dayon sila og warrant of seizure and detention human sa physical examination sa mga container van.
Niadtong Huwebes, Setyembre 10, nakailog usab ang BOC Cebu og ₱ 4.5 milyones nga balor sa ukay-ukay gikan sa China nga unang gideklarar nga hotel supplies. (Jhon Tadlip/ JTY)
(Source: Bureau of Customs – Cebu)