Nilinaw ng Department of Interior and Local Government (DILG) na paparusahan ang sinomang lokal na opisyal ang mamomolitika sa kabila ng krisis na kinakaharap ng bansa dahil sa coronavirus disease 2019 (COVID-19).
Ayon kay DILG Regional Director Arnel Agabe, maaaring makulong ng dalawang buwan at pagmultahin ng hindi bababa sa P1-M ang sinomang local officials na mamomolitika gaya nalamang ng paghingi ng voters ID sa kanilang residente tuwing mamamahagi ng relief goods.
Samantala, ang naturang direktiba ay naaayon sa bagong batas na Bayanihan To Heal As One Act, na sinangayunan rin ni DILG Secretary Eduardo Año.