Epektibo na simula kaninang alas 6:00 ng gabi ang liquor ban ng National Capital Region Police Office o NCRPO bilang pag-hahanda sa nalalapit na traslacion ng Itim na Nazareno.
Ayon kay NCRPO Chief. Supt. Guillermo Eleazar, sakop ng liquor ban ang lahat ng lugar na daraanan ng ruta ng prusisyon mula Quirino Grandstand hanggang sa paligid ng Quiapo Church.
Pinaalalahanan rin naman ni Eleazar ang lahat ng mga debotong makiki-isa sa nasabing pagdiriwang na huwag magsama ng bata at huwag magdala ng anumang matutulis na bagay.
Samantala, ipatutupad rin naman ang gunban sa Martes, Enero 8 hanggang sa araw ng Huwebes, Enero 10.