Dapat pa ring manatili sa mga evacuation centers ang libu-libong na-apektuhan ng pag-aalburuto ng bulkang Taal.
Ito ang paalala ng Phivolcs sa publiko lalo na’t nanatiling nakataas ang alert level 4 status sa Taal volcano.
Sa nakalipas na 24 oras, namonitor ng Phivolcs ang paglalabas ng bulkang Taal ng mainit na singaw at mahihinang pagsabog na nag-pakawala ng ash plumes na may taas na 500n hanggang 1,000 metro.
Ayon kay Mariton Bornas, Phivolcs Volcano and Eruption Prediction Divison Chief, dapat na lisanin na ng mga residente ang mga lugar na itinalaga bilang danger zone dahil para rin ito sa kaligtasan ng mga residente.